Kelesi jyldan bastap Qazaqstanda JRVI-ǵa qarsy 4 valentti vaktsınalaý júrgiziledi
ASTANA. 26 aqpan. QazAqparat - Kelesi jyldan bastap Qazaqstanda tumaý jáne jedel respıratorlyq vırýsty ınfektsııaǵa (JRVI) qarsy 4 valentti vaktsınalaý júrgiziledi. Bul týraly búgin QR DSM Memlekettik sanıtarlyq-epıdemıologııalyq qadaǵalaý komıtetiniń tóraǵasy Jandarbek Bekshın málim etti.
«Kelesi jyldan bastap 4 tıpti vaktsınalaý engiziledi. ıAǵnı taǵy bir V tıpindegi shtamm qosylady. Onyń ereksheligi, máselen, qazirgi tańda vaktsına 1,5 sm teri astyna jiberilse, al Dúnıejúzilik densaýlyq saqtaý uıymy qoldanysqa engizgen 1,5 mm-lik shprıts arqyly dári teri astyna egiledi», - dedi ol.
Onyń atap ótýinshe, teri astyna vaktsına ekken kezde dendraldy jasýshaǵa jiberilgen antıgen tez tarap, ımýnıtetti jyldam kúsheıtedi. «Bul 21 ǵasyrǵa saı daıyndalǵan vaktsına», - dedi J.Bekshın.
Ata keteııik, qazirgi ýaqytta zerthanalyq monıtorıng nátıjeleri boıynsha respýblıkada A/N3N2, V, A/H1N1 tıpindegi maýsymdyq tumaýdyń jáne tumaý emes vırýstar anyqtalǵan.
