Kelesi jyldan bastap, barlyq memlekettik organdar memlekettik satyp alýmen baılanysty jumystardy elektrondy jolmen júzege asyrady
ASTANA. Mamyrdyń 24-i. QazAqparat /Aıdar Ospanalıev/ - Kelesi jyldyń basynan bastap, barlyq memlekettik organdar memlekettik satyp alýmen baılanysty jumystarynyń barlyǵyn elektrondy túrde júzege asyra alady.
Bul týraly búgin V-news portaly arqyly ótken ınternet-konferentsııa barysynda «Elektrondy kommertsııa ortalyǵy» jaýapkershiligi shekteýli seriktestiginiń Basqarma tóraǵasy Sultanjan Ahmetov málim etti, dep habarlaıdy QazAqparat.
Onyń sózine qaraǵanda, 2010 jyldyń qańtar aıynyń 1-inen bastap, taýarlardy satyp alý men qyzmet kórsetý jumystary elektrondy túrde júrgizilýde. «Qazirgi tańda Qarjy mınıstrligi men onyń komıtetteri memleketik satyp alý sharalaryn ilki joba retinde elektrondy jolmen júzege asyra bastady. Al kelesi jyldyń basynan bastap, ózderiniń memlekettik satyp alý salasyndaǵy jumystaryn barlyq memlekettik organdar elektrondy jolmen júzege asyra alady. Bolashaqta biz elektrondy aýktsıon qyzmetin iske qosamyz dep josparlap otyrmyz», dedi S.Ahmetov.
