Kelesi jyldan bastap barlyq mektepterde birinshi synyp oqýshylary úshin aǵylshyn tili engiziledi

Bul týraly búgin Májilistegi Úkimet saǵatynda Bilim jáne ǵylym mınıstri Baqytjan Jumaǵulov málim etti.

Baıandama barysynda úshtildi oqytý máselesine toqtalǵan mınıstr, bul baǵytta memleketik tilde oqytýǵa basa nazar aýdarylatynyn atap ótti. «Qazaq tili - ultymyzdyń rýhy, rýhanı baılyǵy, ony bilý árbir Qazaqstan azamatynyń boryshy dep bilemiz», - deıdi mınıstr B. Jumaǵulov.

Sonymen qatar, Elbasynyń «2020 jyly barsha mektep bitirýshilerdiń 100 paıyzy memlekettik tildi bilýi tıis» degen mindetine toqtalǵan ol, bilim berý júıesiniń maqsaty osy tapsyrmany oryndaý ekendigin de aıtty.

«Orys tili bizdiń ortaq baılyǵymyz, ony joǵaltpaýymyz kerek. Sonymen qatar, ǵylymǵa, ınnovatsııaǵa, tehnologııa men bızneske jol ashatyn aǵylshyn tilin bilip, úırenýimiz qajet. Qazirdiń ózinde 33 mektepte birinshi synyptan bastap aǵylshyn tili oqytylsa, kelesi jyldyń qyrkúıeginen bastap atalǵan tájirıbe barlyq mektepterge engiziletin bolady», - deıdi B. Jumaǵulov.

Onyń aıtýynsha, jekelegen pánder kezeń-kezeńimen aǵylshyn tilinde oqytyla bastaıdy.