Kelesi jyl qazirgiden de kúrdeli, qıyn bolýy ábden múmkin - Prezıdent

ASTANA. QazAqparat – Kelesi jyl qazirgiden de kúrdeli, qıyn bolýy ábden múmkin. Bul týraly Úkimettiń keńeıtilgen otyrysynda Memleket basshysy Qasym-Jomart Toqaev aıtty, dep habarlaıdy QazAqparat tilshisi.

«Jurtshylyq Úkimettiń de, barlyq deńgeıdegi ákimderdiń de jumysyna qatysty aryz-shaǵym aıtýda. Halyqtyń sóziniń jany bar. Óıtkeni shyn máninde, kún kórý qıyndap barady, baǵa sharyqtap ósýde. Qaladaǵy jáne aýyldaǵy turǵyndardyń ómiri úshin asa mańyzdy ınfraqurylymnyń tozyǵy jetken, tipti, múshkil halde desek te artyq emes. Mundaı kezde qol qýsyryp, jaıbaraqat otyrýǵa bolmaıdy. Osyndaı jaǵdaı bárimizge qaýip tóndiretini anyq. Onyń ústine, kelesi jyl qazirgiden de kúrdeli, qıyn bolýy ábden múmkin», - dedi Qasym-Jomart Toqaev.

Foto: t.me/bort_01