Kelesi jumada Aqmola oblysynyń ákimi baspasóz máslıhatyn ótkizedi
ASTANA. 6 qyrkúıek. QazAqparat - 13 qyrkúıek, juma kúni elordada QR Prezıdenti janyndaǵy Ortalyq kommýnıkatsııalar qyzmetinde Aqmola oblysynyń ákimi Qosman Aıtmuhametov baspasóz máslıhatyn ótkizedi. Bul týraly búgin QR Prezıdenti ákimshiligi basshysynyń orynbasary Ǵabıdolla Ábdirahymov málim etti.
Onyń atap ótýinshe, óńir basshysy Aqmola oblysynyń áleýmettik-ekonomıkalyq damýy týraly baıandaıdy. Sondaı-aq baspasóz máslıhaty bastalar aldynda atalǵan óńirde júzege asyrylyp jatqan jobalardyń tusaýkeser kórmesi ótedi.
Aıta keteıik, Ortalyq kommýnıkatsııalar qyzmeti óz jumysyn jańa formatta bastap, oblystardyń, Almaty men Astana qalalarynyń ákimderiniń qatysýymen baspasóz máslıhatyn ótkizedi.
Ár juma saıyn ótetin baspasóz máslıhaty barysynda óńir basshylary BAQ ókilderiniń saýaldaryna jaýap beretin bolady.
