Kelesi Prezıdent Konstıtýtsııaǵa ózgertý engize ala ma

NUR-SULTAN. QazAqparat – Kelesi Prezıdent Konstıtýtsııaǵa ózgertý engize ala ma? Bul saýalǵa QR Ádilet mınıstri Qanat Mýsın jaýap berdi, dep habarlaıdy QazAqparat tilshisi.

Parlament palatalarynyń birlesken otyrysynan keıin BAQ ókilderi mınıstrden: «Kelesi Prezıdent Konstıtýtsııaǵa ózgertý engize ala ma?» dep suraǵan edi.

«Konstıtýtsııada Konstıtýtsııany «neshe ret ózgertýge bolady, qashan ózgertýge bolady» degen norma joq. Ol qoǵamnyń damýyna baılanysty. Sondyqtan, árıne ózgertý engizýge bolady», - dep jaýap berdi Qanat Mýsın.

Sonymen qatar ol kelesi Memleket basshysy prezıdenttik mandatynyń merzimin jáne bir ret qana saılaný quqyǵyna qatysty normany ózgerte almaıtynyn basa aıtty.

Aıta keteıik, búgin depýtattar «Qazaqstan Respýblıkasynyń Konstıtýtsııasyna ózgerister men tolyqtyrý engizý týraly» QR Zańyn qabyldady.

Oǵan sáıkes, Prezıdenttiń mandaty qaıta saılaný múmkindiginsiz bir merzimge shektelip, jeti jyl merzimge uzartylady; Nur-Sultan qalasynyń ataýy qaıtadan Astana bolyp ózgeredi; Konstıtýtsııalyq Sot sýdıalarynyń ókilettik merzimi 8 jylǵa deıin ulǵaıtylady.