Kelesi Prezıdent Elbasynyń áleýmettik bastamalaryn jalǵastyrýy tıis - Sansyzbaı Esilov
«Nur-Sultan qalasynyń ardagerleri Prezıdenttiń Saılaý jónindegi sheshimin tolyq qoldaıdy. Bul týraly Ardagerler uıymynyń Ortalyq keńesinde de úndeý jarııaladyq. Qalalyq ardagerlerdiń prezıdıýmyn jınap, taǵy da sóılestik, aqyldastyq. Bul endi dál qazirgi ýaqytta óte qajetti sheshim. Óıtkeni, elimizge turaqtylyq kerek», - dedi S. Esilov.
Onyń aıtýynsha, jańa Prezıdent Qazaqstandaǵy áleýmettik máselelerge jete mán berip, Elbasy bastamalaryn jalǵastyrýy tıis.
«Birinshi jańa Prezıdent Elbasynyń bastamalaryn aıaqtaý úshin, turaqtylyq úshin saılaýdan ótip, halyqtyń senimine ıe bolyp, Elbasy saıasatyn ári qaraı jalǵastyrady degen úmittemiz. Ekinshiden, elimizdiń ekonomıkasyn damytyp, áleýmettik salalardy damytyp, Nur Otan sezinde jarııalanǵan bastamalardy aıaǵyna deıin jetkizsin», - deıdi Sansyzbaı Esilov.
Eske sala ketsek, aǵymdaǵy jyldyń 9 maýsymynda elimizde kezekten tys prezıdenttik saılaý ótedi. Bul týraly respýblıkalyq telearnalardan Qazaqstan halqyna úndeý jarııalaǵan Memleket basshysy Qasym-Jomart Toqaev aıtty.
Memleket basshysy Qasym-Jomart Toqaevtyń respýblıkalyq telearnalar arqyly Qazaqstan halqyna joldaǵan úndeýiniń tolyq mátinin myna siltemeden oqýǵa bolady.
