Kelesi Olımpıadada altyn alýǵa bar kúshimdi salamyn – Igor Son

NUR-SULTAN. QazAqparat – Qazaqstandyq aýyr atlet, Tokıodaǵy XXXII jazǵy Olımpıada oıyndarynyń qola júldegeri Igor Son jeńisten keıingi áserin bólisti, dep habarlaıdy QazAqparat tilshisi.

«Esepke alynbaǵan sátter men tóreshilikke qaramastan bizdiń atletter aıtarlyqtaı nátıje kórsetti. Ásirese Igor jattyqtyrýshy qoıǵan salmaqty meńgere bildi. Sondyqtan da bizdiń sportshylardyń kórsetkishin oń dep baǵalap, elimizdiń medal qorjynyn toltyra túskeni qýantady. Bizde aýyr atletıka boıynsha báseke joǵary jáne atletterimiz únemi joǵary nátıje kórsetip keledi. Mysaly, Tashkentte ótken álem chempıonatyna attanǵan 7 sportshymyzdyń altaýy júldemen oraldy, onyń úsheýi altyn medal ıelendi», - dedi QR aýyr atletıka federatsııasynyń atqarýshy dırektory Aldııar Nuralınov OKQ-de onlaın ótken baspasóz máslıhatynda.

Óz kezeginde Tokıodaǵy XXXII jazǵy Olımpıada oıyndarynyń qola júlde ıegeri Igor Son daıyndyq odan ári jalǵasatynyn aıtty.

«Daıyndyqty odan ári jalǵastyramyn. Endigi Olımpıadada altyn medal úshin talasqa túsemin dep úmittenemin», - dedi Olıpıada jeńimpazy I. Son.

Aıta keteıik, Tokıodaǵy Olıpıada oıyndarynda qazaqstandyq ziltemirshi Igor Son qola medal jeńip alǵan edi.