Kelesi oqý jylynda 1,5 mln bala 5 kúndik oqý júıesine, 300 myń bala birinshi aýysymǵa kóshedi

NUR-SULTAN. QazAqparat – Úkimet otyrysynda Premer-Mınıstr Álıhan Smaıylov Oqý-aǵartý mınıstrinen oqý jylynyń merzimine engiziletin ózgeristerden qandaı nátıje kútetinin surady, dep habarlaıdy QazAqparat tilshisi.

Mınıstri Ashat Aımaǵambetov bul turǵyda bir-birimen baılanysty eki mańyzdy sheshim qabyldanǵanyn aıtty.

«Bir jaǵynan oqýshylardyń oqý júktemesin azaıtyp, ekinshi jaǵynan oqý jylynyń aıaqtalýyn 31 mamyrǵa bekittik. Bul másele birneshe keshendi problemany sheshedi. Birinshiden, búgingi tańda bizde 5 kúndik oqý, 1,5 mln bala osyndaı formatqa kóshedi. ıAǵnı, endi osy 1,5 mln bala úshin qosymsha 36 demalys kúni paıda bolady. Bul 36 kúndi balalar óz ata-ata-analarynyń janynda ótkizýge, álde sektsııalarǵa, demalys saıabaqtaryna barýǵa jumsaýǵa múmkindik alyp otyr», - dedi ol.

Vedomstvo basshysy bıyl 100-den astam mekteptiń úsh aýysymǵa ótý qaýpi bolǵanyn atap ótti.

«Osy qabyldanǵan sheshimniń arqasynda atalǵan 100 mektep eki aýysymda oqýyn jalǵastyrady. Úshinshiden, bizde búgingi tańda 1,5 mıllıonnan astam bala tústen keıin oqıdy. Osy qabyldǵan sheshim áserinen oqý júktemesiniń azaıýyna baılanysty kabınetter bosatylyp, ekinshi aýysymda oqyp jatqan 300 myńnan astam bala endi birinshi aýysymǵa kóshedi. Bul da ata-analar úshin óte mańyzdy. Jalpy 3,6 mln bala úshin oqý júktemesi azaıdy. Biraq osy qabyldanǵan sheshimder bilim sapasyna áser etpeıdi.

Qoryta kelgende, aınaldyrǵan 25 mamyrdan 31 mamyrǵa deıin ózgeris engizýimizge baılanysty 1,5 mıllıonǵa jýyq bala úshin 36 jańa demalys kúni paıda bolady. 150 myńǵa jýyq pedagogterimizde 36 demalys kúni paıda bolady. 100-ge jýyq mekteptegi 300 myńǵa jýyq bala úshinshi aýysymnan ekinshi aýysymǵa ótedi. Bul - jan-jaqtan qarastyrylyp, saraptamadan ótken sheshim», - dedi mınıstr.