Kelesi mereıtoılyq týryń bolmaı qalýy múmkin ekenin oılasań, barlyǵyn minsiz jasaýǵa tyrysasyń - V. Kıkabıdze
ASTANA. QazAqparat - Búgin Astanadaǵy Báıterek medıa ortalyǵynda ótken baspasóz máslıhatynda Grýzııanyń halyq ártisi, KSRO memlekettik syılyǵynyń ıegeri Vahtang Kıkabıdze óz ómiri men shyǵarmashylyǵy týraly, Astanada ótetin kontserti týraly, Qazaqstandaǵy sapary týraly egjeı-tegjeıli aıtyp berdi.
«Kontserttegi barlyq mýzyka meniń talǵamyma saı tańdalyp alyndy. Repertýarym kóp. Sondyqtan, bul meniń sońǵy mereıtoılyq kontsertim bolýy múmkin degen oıdyń ózi adamdy bar yqylasymen, bar jan-tánimen daıyndalýǵa ıtermeleıdi eken», - dep atap ótti V. Kıkabıdze.
Ánshiniń aıtýynsha, jýyrda Izraılde kontsert qoıyp qaıtqan.
«Izraıldiń 5 qalasynda kontsert berip keldik. Keshe Almatyda qoıdyq. Al Astanadan keıin Ázirbaıjanǵa attanamyz», - deıdi ataqty ánshi.
Aıta keteıik, V. Kıkabıdzeniń kontserti 18 mamyr kúni «Qazaqstan» ortalyq kontsert zalynda ótedi.
