Kelesi kezdesýde mindetti túrde qazaqsha sóıleımin - Malybaev
ASTANA. QazAqparat - Búgin «Astana» kontsert zalynda Astana qalalyq Іshki ister departamenti Jergilikti polıtsııa qyzmetiniń basshysy Baqytjan Malybaev halyq aldynda esep berdi, dep habarlaıdy QazAqparat.
Jergilikti polıtsııa qyzmetiniń basshysy Baqytjan Malybaev halyq aldynda qańtar aıynan bastap kirisken jumysy jaıynda esep berdi. Biraq, Malybaevtyń baıandamasy bastan aıaq resmı tilde daıyndalǵan eken. Halyq ta Jergilikti polıtsııa qyzmetiniń basshysyna tek orys tilinde suraq qoıyp jatty.
Memlekettik qyzmettegi laýazym ıesi resmı baıandamany memlekettik jáne orys tilinde jasaýǵa mindetti emes pe degen QazAqparat tilshisiniń suraǵyna jaýap bergen Malybaev óz kemshiligin moıyndady.
«Men qazaq tilin bilemin, memlekettik tilde suraq-jaýap júrgize alamyn. Men halyq aldynda birinshi ret esep berip turmyn, sondyqtan, kelesi kezdesýlerde osy kemshilikti eskeremiz»,-dedi Malybaev.
Esterińizge sala keteıik, Memleket basshysynyń tapsyrmasyna oraı, 2016 jyldyń qańtarynda Astana qalasynyń sol kezdegi əkimi Ədilbek Jaqsybekov elordalyq Іshki ister departamentiniń Jergilikti polıtsııa qyzmetine Baqytjan Malybaevty basshy etip taǵaıyndaǵan bolatyn.
