Kelesi qarsylas Golovkın bolýy ábden múmkin - Kotto bapkeri
ASTANA. QazAqparat – Golovkın-Gıl jekpe-jegin tamashalaýǵa kelgen WBC chempıony Mıgel Kottonyń bapkeri Freddı Roých pýertorıkalyq boksshynyń kelesi qarsylasy Gena bolýy yqtımaldyǵyn joqqa shyǵarǵan joq, dep habarlaıdy Allboxing.ru.
« HBO telearnasy Golovkınniń 6 jekpe-jegin kórsetý quqyǵyna ıe bolyp otyr jáne olar chempıonǵa asa qyzyǵýshylyq tanytyp otyr», - dep keltiredi Roýchtyń sózderin BoxingScene . com . – Qazirgi ýaqytta Kotto úshin nómiri birinshi qarsylas - Kanelo Alvares, degenmen Golovkın de kelesi qarsylas atanýy ábden múmkin».
33 jastaǵy pýertorıkalyq boksshy Mıgel Kotto WBC nusqasy boıynsha chempıon ataǵyna ıe ekendigin aıta ketken jón.
Bunyń aldynda Denıel Gıldi 3 raýndta sulatyp salǵan Golovkın kelesi jekpe-jegin Kottomen nemese Kýıllınmen ótkizgisi keletindigin málimdegen bolatyn. Osylaısha, onyń orta salmaqtaǵy barlyq chempıondyq tıtýldardy biriktirmek oıy bar.
