Kelesi Eýrazııalyq medıa forým 2017 jyldyń maýsymynda ótedi
ASTANA. QazAqparat - Kelesi, HІV Eýrazııa medıa forýmy 2017 jyldyń 22-23 maýsymynda Astanada ótedi. Bul týraly búgin HІІІ Eýrazııa medıa forýmy barysynda uıymdastyrý komıtetiniń tóraǵasy, QR Premer-Mınıstriniń orynbasary Darıǵa Nazarbaeva málim etti.
«Ózderińiz biletindeı, Qazaqstan kelesi jyly halyqaralyq EKSPO kórmesin ótkizedi. HІІІ forýmǵa qatysqan sheteldik qonaqtardyń bári búgin Astana qalasyn aralaǵanda, EKSPO alańyna da barady. Al, men kelesi HIV Eýrazııa medıa forýmy 22-23 maýsym kúnderi, EKSPO kórmesiniń aýmaǵynda ótetinin qýana habarlaımyn», - dedi D.Nazarbaeva HІІІ forýmdy qorytyndylaı otyryp.
HІІІ Eýrazııa medıa forýmyna qatysý úshin bıyl Qazaqstannyń elordasyna 50 elden 400 delegat, 30 arnaıy spıker keldi. Esterińizge sala keteıik, Eýrazııalyq medıa forým 2002 jyly Darıǵa Nazarbaevanyń bastamasy boıynsha batys pen shyǵysqa qatysty máselelerdi talqylaıtyn kommertsııalyq emes jáne saıasattan tys uıym retinde qurylǵan edi.
