Kelesi aıda Qylmystyq atqarý júıesi tolyǵymen ІІM-niń qaramaǵyna kóshedi
ASTANA. 3 shilde. QazAqparat /Arman Asqarov/ - Qyrkúıektiń 15-sine deıin Qylmystyq atqarý júıesi komıteti tolyǵymen Іshki ister mınıstrliginiń qaramaǵyna kóshedi.
Bul týraly búgingi baspasóz máslıhatynda QR Іshki ister mınıstrliginiń Memlekettik til jáne aqparat departamentiniń basshysy Nurdildá Oraz málim etti.
Onyń habarlaýynsha, shildeniń 26-sy kúni Elbasy qol qoıǵan Jarlyqqa sáıkes, tamyzdyń 1-nen bastap Qylmystyq atqarý júıesi komıtetiniń qyzmeti tolyǵymen Іshki ister mınıstrligine kóshýi tıis. «Osyǵan oraı qazirgi kezde ǵımarattar, tehnıkalyq qural-jabdyqtar, avtokólikter jáne qyzmettik qujattardy tapsyrý boıynsha tıisti uıymdastyrý jumystary atqarylýda. Bul is-sharalardy qyrkúıektiń 15-sine deıin aıaqtaý josparlanyp otyr», - deıdi N.Oraz.
