Kelesi aptada Úkimette mektepterdiń jańa oqý jylyna ázirligi talqylanady
ASTANA. Tamyzdyń 24-i. QazAqparat /Qanat Mámetqazyuly/ - Qyrkúıektiń 2-sinde Úkimet basshysy mektepterdiń jańa oqý jylyna ázirligi boıynsha selektorlyq keńes ótkizedi. Bul týraly búgin Úkimet úıinde ótip jatqan Mınıstrler kabınetiniń otyrysynda Premer-Mınıstr Kárim Másimov málim etti.
«Qyrkúıektiń 2-sinde selektorlyq keńes rejıminde ótetin Úkimet otyrysynda bir-birimen baılanysty eki máseleni talqylaıtyn bolamyz. Munyń birinshisi, bilim jáne ǵylym salasyn damytý baǵdarlamasy, al ekinshi másele boıynsha men barlyq ákimderden mektepterdiń jańa oqý jylyna ázirligi barysyn tyńdaıtyn bolamyn», dedi Úkimet basshysy.
K. Másimov Baılanys jáne aqapart mınıstrligine jergilikti jáne óńirlik BAQ-tarda jarııalanǵan mektepke qatysty problemalyq maqalalardy saralaýdy júktedi. «Eger, qyrkúıektiń 2-sine deıin mektepterdiń jańa oqý jylyna qatysty problemalary anyqtalsa, biz kimniń nege jaýap berýge tıistigin keliskenbiz», dedi K. Másimov.
