Kelesi aptada telesabaqtar Qazaqstan arnasynan kórsetile bastaıdy
NUR-SULTAN. QazAqparat - 13 sáýirden bastap elimizdegi orta bilim berý uıymdaryna arnalǵan beınesabaqtar «Qazaqstan» ulttyq telearnasynan kórsetile bastaıdy, dep habarlaıdy QazAqparat.
«Qazaqstan» RTRK baspasóz qyzmetiniń málimetinshe, telesabaqtar dúısenbi-juma kúnderi tańǵy saǵat 08:00-den bastap 11:00 aralyǵynda 1-6 synyptyń oqý pánderi boıynsha qazaq tilinde ótkiziledi.
«Qazaqstan» telearnasyn qazaqstan.tv resmı saıty men «Qazaqstan.tv» mobıldi qosymshasynan onlaın kórýge bolady. «Android», «iOS» platformalaryna laıyqtalǵan mobıldi qosymshany «App Store»,«Play Market» servısteri arqyly tegin júkteý múmkindigi qarastyrylǵan.
Beınesabaqtar sonymen qatar «Qazaqstan» telearnasynyń YouTube jelisindegi resmı arnasy men Facebook paraqshasynda tikeleı translıatsııalanady.
2020 jylǵy 6 sáýirden bastap elimizde 3,2 mln oqýshy qashyqtan oqýdy bastady.
Osy merzimnen bastap qazaq tilinde bilim alatyn 1-11 synyp oqýshylary úshin beıne jáne aýdıosabaqtar «Qazaqstan» teleradıokorporatsııasyna qarasty «Balapan» telernasy men «Qazaq radiosy» arqyly usynylyp keledi.
