Kelesi aptada «Barystyń» bapkerler quramy anyqtalýy múmkin
ASTANA. QazAqparat - «Barys»hokkeı klýbynyń jańa prezıdenti Asqar Shopobaevtyń aıtýynsha, kelesi aptanyń aıaǵynda komandanyń bapkerler quramy anyqtalady, dep habarlaıdy QazAqparat tilshisi.
«Men óz qyzmetime keshe ǵana kiristim. Árıne, oı-bastamalar bar. Aldymen barlyq taraptardy tyńdap, bárin zerdelep shyǵýym qajet. Qazirgi kezde bapkeler quramy men oıynshylar boıynsha kelissózder júrip jatyr. Menińshe, kelesi aptanyń aıaǵyna deıin tıisti aqparatty usynatyn bolamyz», - dedi Shopobaev búgin jýrnalısterge bergen suhbatynda.
Aıta keteıik, Qurlyqtyq xokkeı lıgasynyń sońǵy chempıonatynda «Barys» xokkeı klýby pleı-ofttyń ekinshi aınalymyna deıin jetken bolatyn. Biraq «Metallýrg» komandasynan utyldy. Al álem chempıonatynan keıin «Barys» pen ulttyq quramanyń bas bapkeri, belarýs mamany Edýard Zankovets qyzmetinen ketetinin málimdedi. Sebebi Qazaqstan quramasy oıdaǵydaı óner kórsete almaı, elıtalyq dıvızıonǵa óte almady . Keshe klýbtyń prezıdenti Aleksandr Koreshkovtyń ornyna Asqar Shopobaev taǵaıyndaldy. Osy qyzmetpen birge ol Qazaqstan quramasynyńbas menedjerligin de atqarady.
