Kelesi aptada Astanada kún sýytady
ASTANA. 24 qańtar. QazAqparat - Astanada birneshe kúnnen beri aıaz turyp, daýyldy eskertýler jarııalanǵan edi. Mundaı aýa raıy kelesi aptada da saqtalady. «Qazgıdromet» RMK bergen aqparatyna súıensek, ekpindi daýyl turyp, sońy qarly boranǵa ulasýy múmkin. Al aıazdyń saldarynan kóktaıǵaq bolady.
«Aldaǵy aptanyń birinshi kúnderi Qazaqstannyń basym oblystarynda aýa raıy turaqsyz bolady. Qar jaýyp, burqasyn bolady, jel kúsheıedi. Keı jerlerde kóktaıǵaq, tuman kútiledi. Astana qalasynda 26, 27 qańtarda burqasyn, qardyń jaýýy kútiledi. 28-31 qańtar aralyǵynda jaýyn-shashynsyz bolady. Biraq, túnde aýa temperatýrasy -30- 35°C shamasynda, kúndiz -20-22°C gradýs shamasynda bolady.
28 qańtardan bastap aýa raıynyń turaqtalýy kútilýde. Dese de, keń alqapty antıtsıklon ózimen birge aýa temperatýrasynyń ádettegiden -3-6°C gradýsqa tómendeýine ákeledi. Sondyqtan júrgizýshiler alys saparǵa shyqpas buryn aýa raıynyń qolaısyzdyǵyn eskerse eken», -deıdi «Qazgıdromet» RMK ınjener-sınoptıgi Móldir Esqalıeva.
