Keleshekte jumysshy mamandarǵa qajettilik tek arta beredi — mınıstr

ASTANA. KAZINFORM — Aldaǵy jyldary jumysshy kadrlarǵa degen qajettilik tek arta beredi. Bul týraly Eńbek jáne halyqty áleýmettik qorǵaý mınıstri Svetlana Jaqypova aıtty.

Mınıstrdiń aıtýynsha, barlyq jumys isteıtin qazaqstandyqtardyń jartysynan astamynyń (52%) kásiptik nemese tehnıkalyq bilimi bar.

2,3 mıllıonǵa jýyq adam 2 myńnan astam jumysshy mamandyǵy boıynsha jumys isteıdi.

— Mamandarǵa degen joǵary suranys kóptegen bos jumys oryndarymen baılanysty, ótken jyly 270 myńnan astam bos jumys ornyn qurady. Jumysshy kadrlar kólik, saýda, ónerkásip, aýyl sharýashylyǵy sııaqty salalarda kóbirek suranysqa ıe. Bizdiń boljamdarymyz aldaǵy jyldary jumysshy kadrlarǵa degen qajettilik tek arta túsetinin kórsetedi, — dedi S. Jaqypova Úkimet otyrysyndaǵy baıandamasynda.

Aldaǵy 6 jylda kadrlarǵa jalpy suranys 1,6 mln adam dep baǵalanady, onyń ishinde jartysynan astamy kásiptik-tehnıkalyq bilimi bar qyzmetkerleri, olardyń 400 myńǵa jýyǵy — jumysshy mamandyqtarǵa suranys bolmaq.

Kadrlardy daıarlaýdy, onyń ishinde jumysshy mamandyqtardy anaǵurlym tıimdi josparlaý úshin jobalardyń Innovatsııalyq navıgatory ázirlengen. Búginde platformada 755 ınvestıtsııalyq joba qamtylyp, 150 myń jumys ornyn qurý josparlanǵan.

— Kadrlardyń daıyndyq sapasyn qamtamasyz etý úshin jumysshy mamandyqtar boıynsha 1,6 myń kásiptik standart jańartyldy. Olardyń negizinde bilim berý baǵdarlamalarynyń 87%-y jańartyldy. Eýropa standartyn (ESCO) qoldanylýymen 12 myńnan astam daǵdyny qamtıtyn Elektrondyq daǵdylar banki quryldy. Bıyl taǵy 100 kásiptik standart ázirlenip, jańartylady, — dedi S. Jaqypova.

Buǵan deıin Oqý-aǵartý mınıstri Ǵanı Beısembaev Úkimet otyrysynda «Jumysshy mamandyqtar» jylynda kásiptik-tehnıkalyq bilim berý júıesi qalaı reformalanatynyn aıtty.