Keleshekte Buqtyrma eldegi kez kelgen kýrorttan asyp túsedi – Danıal Ahmetov

NUR-SULTAN. QazAqparat – Shyǵys Qazaqstan oblysynda Buqtyrma jaǵalaýyn abattandyrýǵa basa kóńil bólinedi. Bul týraly aımaq ákimi Danıal Ahmetov aıtty, dep habarlaıdy QazAqparat tilshisi.

«Іshki týrızmdi damytýǵa erekshe kóńil bólinýde. Jyl basynan beri bul salaǵa 5,4 mlrd teńge ınvestıtsııa tartyldy, onyń ishinde 1,5 mlrd teńgege Qaton-Qaraǵaı aýdanynyń Óreli aýylynda 250 oryndyq týrıstik keshen salyndy. Osylaısha kishkentaı aýylda úlken tamasha qonaqúı salyndy», - dedi D. Ahmetov Ortalyq kommýnıkatsııalar qyzmetinde ótken baspasóz máslıhatynda.

Sonymen birge, ákimniń aıtýynsha, 12 mlrd teńgege 36 jobany júzege asyrý, onyń ishinde Buqtyrma sý qoımasy jaǵalaýynda 12 demalys bazasyn salý jumystary bastaldy.

«Biz Alakól kólin damytýǵa 17 mlrd teńge jumsadyq, qazir baǵytymyzdy ózgertip, ózimizdiń Buqtyrma jaǵalaýyn damytýǵa aýysyp jatyrmyz. Bizge úsh jyl ýaqyt kerek, sonda bul jaǵalaý eldegi kez kelgen kýrorttyq aımaqpen básekege túse alady, tipti asyp ta ketemiz. Bulaı senimdi aıtýymnyń syry nede? Tek qana bizdiń oblysta maral múıizimen emdeý úshin tabıǵı resýrs bar. Bul biz damytatyn baǵyttardyń biri bolady, damytýdy bastap ta kettik», - dedi ShQO ákimi.

Buǵan deıin Danıal Ahmetov Qańtar oqıǵasy kezinde alańda, halyqtyń arasynda bolǵanyn aıtqan edi.

Foto: kazkurort.kz