Keleshekte Almatynyń keıbir aýdandarynda kólik qozǵalysy shektelýi múmkin

ASTANA. KAZINFORM — Premer-mınıstr Oljas Bektenov Májilis depýtattarynyń saýalyna joldaǵan jaýapta Almaty qalasynyń ekologııalyq jaǵdaıyn jaqsartý sharalary týraly málimet usyndy.

— Sarapshylardan quralǵan jumys toby Ekologııa kodeksin basshylyqqa ala otyryp, erejeler jobasyn ázirledi. Ol qujattar ózge organdardyń maquldaýyna jiberildi. Atalǵan erejelerde III jáne IV sanattaǵy qorshaǵan ortaǵa shyǵaryndy tastaıtyn nysandarǵa arnaıy ekologııalyq talap júkteý kózdelgen. Sondaı-aq, jer úı ıeleriniń tabıǵat jalpy tabıǵat paıdalaný máselelerin retteý, shyǵaryndylar tómen aımaqtardy engizip, olarda avtomobıl kóliginiń qozǵalysyn shekteý, sııaqty aýaǵa tastalatyn shyǵaryndylardy azaıtý sharalary qarastyrylǵan, — dep jazady Úkimet basshysy.

Atalǵan normalardy iske asyrý úshin Qorshaǵan ortany lastaýshy statsıonarlyq jáne jyljymaly kózder tastaıtyn shyǵaryndylardy retteýdiń jol kartasy ázirlenedi.

Buǵan deıin Almatyda buzylatyn alty bazardyń ornyna ne salynatyny aıtylǵan edi.