«Keleshek» júıesi memlekettik bilim granttarynyń sanyn azaıtpaıdy

ASTANA. KAZINFORM – «Keleshek» júıesiniń salymshylary kóbeıgen saıyn, elimizde memlekettik bilim granttarynyń sany azaıa ma? Bul suraqqa Ǵylym jáne joǵary bilim mınıstrligi jaýap berdi.

- Búgingi tańda memlekettik bilim berý tapsyrysy mektep túlekteriniń 40 paıyzdan astamyn grantpen qamtýǵa múmkindik beredi. Bul rette, 2020 jyldan bastap granttar sany jyl saıyn orta eseppen 10 paıyzǵa ulǵaıtylady. Degenmen, belsendi demografııalyq ósimge baılanysty granttardyń bul sany jetkiliksiz. «Keleshek» júıesi - bul memlekettik granttardy bólýmen qatar iske asyrylatyn qosymsha memlekettik shara ekenin atap ótken jón. Sonymen qatar, bul júıeni tolyǵymen erikti túrde qoldana alady, - delingen Ǵylym mınıstrliginiń Kazinform agenttigine bergen jaýabynda.

Budan buryn habarlanǵandaı, kelesi jyldary bilim granttarynyń sany artady.

Ǵylym jáne joǵary bilim vıtse-mınıstri Talǵat Eshenqulov 2025 jyldyń basynan «Keleshek» erejeleri kúshine enetinin málim etti.

Eske salsaq, taıaýda Senat «Keleshek» erikti jınaqtaý júıesine qatysty zańdy maquldady.