«Keleshek mektepterine» jas pedagogterdi irikteý testileýi bastaldy
ASTANA. KAZINFORM - QR Oqý-aǵartý mınıstrliginiń «Órleý» biliktilikti arttyrý ulttyq ortalyǵy «Keleshek mektepteri» ulttyq jobasy aıasynda jas pedagogterdi irikteý jáne kásibı súıemeldeý jumystaryn júrgizip jatyr.
Osy maqsatta bıyl elimizdiń 18 óńirindegi 19 pedagogıkalyq joǵary oqý ornymen birlesip, bolashaq pedagogterdiń kásibı daıarlyǵyn anyqtaýǵa baǵyttalǵan dıagnostıkalyq baǵalaý uıymdastyrylyp jatyr, dep habarlaıdy QR Oqý-aǵartý mınıstrliginiń baspasóz qyzmeti.
Іrikteý testileýine GPA kórsetkishi 3,33-ten joǵary shamamen 2 myńnan astam jas maman qatysýǵa nıet bildirdi.
Testleýdiń alǵashqy legi Á.Marǵulan atyndaǵy Pavlodar pedagogıkalyq ýnıversıtetinde, Q.Jubanov atyndaǵy Aqtóbe óńirlik ýnıversıtetinde, A.Baıtursynuly atyndaǵy Qostanaı óńirlik ýnıversıtetinde jáne A.Myrzahmetov atyndaǵy Kókshetaý ýnıversıtetinde bastaldy Іrikteý barysynda qatysýshylardyń pándik quzyretteri men áleýmettik-emotsıonaldyq daǵdylary saralanady.
Nátıjesinde ár pedagog boıynsha kásibı profıl qalyptastyrylyp, ol mektep dırektorlaryna jas mamannyń áleýetin baǵalaýǵa, beıimdelý kezeńin tıimdi uıymdastyrýǵa jáne kásibı damý baǵytyn aıqyndaýǵa múmkindik beredi.
Barlyq nátıje career.orleu.edu.kz platformasynda jınaqtalady. Bul — jas pedagogterdi ashyq ári tıimdi irikteýge arnalǵan zamanaýı tsıfrlyq júıe. Platforma «Keleshek mektepteri» dırektorlary úshin qoljetimdi jáne óńirlik suranysqa, pándik baǵytqa, úmitkerdiń kásibı daıarlyǵyna sáıkes mamandardy irikteýge múmkindik beredi.
Osyǵan deıin «Keleshek mektepteri» jobasynyń damý baǵyttary aıqyndalǵany týraly jazdyq.
