«Keleshek mektepteri» jobasy: 200 myńnan astam oqýshy orny paıdalanýǵa berilmek

ASTANA. KAZINFORM –   Elimizde Memleket basshysynyń bastamasymen «Keleshek mektepteri» ulttyq jobasy júzege asyrylýda. Joba aıasynda barlyǵy 460 myń oqýshy orny ashylady. Bul týraly Oqý-aǵartý mınıstrligi málim etti.

2024 jyldyń qorytyndysy boıynsha jańa formattaǵy 105 mektep salyndy. Al 2025 jyldyń sońyna deıin taǵy 112 mektep paıdalanýǵa beriledi. Osylaısha, jańa oqý jylynda qosymsha 206 myń oqýshy orny beriledi.

Atalǵan joba aıasynda salynǵan mektepter burynǵy tıptik mektepterden edáýir erekshelenedi. Olardyń jalpy aýmaǵy 15–20%-ǵa úlken, al tehnıkalyq jabdyqtalý deńgeıi tórt ese joǵary. Ár mektepte robototehnıka kabınetteri, STEM-zerthanalar, horeografııa zaldary, kovorkıng aımaqtary men tórt sport zalǵa deıin qarastyrylǵan.

Ulttyq joba aıasynda barlyǵy 460 myń oqýshy ornyna arnalǵan 217 mektep salý josparlanǵan.

Buǵan deıin habarlanǵandaı, «Keleshek mektepteri»: 800-ge jýyq aýyl muǵalimi biliktilikti arttyrý kýrsynan ótti.