«Keleshek mektepteri»: úsh jylda 460 myń oqýshy orny ashyldy
ASTANA. KAZINFORM — Memleket basshysynyń tapsyrmasymen 2023-2025 jyldary elimizde balalardyń sapaly jáne tegin bilim alýǵa teń qol jetkizýin qamtamasyz etýge baǵyttalǵan «Keleshek mektepteri» ulttyq jobasy júzege asyryldy.
Jobanyń negizgi maqsaty - árbir balany turǵylyqty jeri men áleýmettik jaǵdaıyna qaramastan sapaly ári qoljetimdi bilimmen qamtamasyz etý.
Úsh jyldyń ishinde elimizde halyqaralyq standarttarǵa saı keletin jańa formattaǵy mektepterde 460 myń oqýshy orny quryldy. Joba aıasynda 217 mektep salynyp, 2024 jyly 105 mektep, 2025 jyly 112 mektep paıdalanýǵa berildi. Nátıjesinde 52 úsh aýysymdy jáne 12 apatty mektep máselesi sheshilip, 100-den astam mekteptegi oqýshy oryndarynyń tapshylyǵy joıyldy.
Barlyq mektep ornalasqan jerine qaramastan shalǵaı eldi mekenderde, qalalyq jerlerde de biryńǵaı standart boıynsha salyndy. Máselen, mektepterdiń 40%-y aýyldyq jerlerde ornalasqan. Bul qalalyq jáne aýyldyq mektepter arasyndaǵy ınfraqurylymdyq alshaqtyqty edáýir azaıtty.
Qazirgi tańda 183 mektepte oqý protsesi uıymdastyrylyp, onda 218 myńǵa jýyq oqýshy bilim alýda, 17 myńǵa jýyq pedagog eńbek etýde.
Búginde Keleshek mektepterin basqarýdyń biryńǵaı, ortalyqtandyrylǵan modeli engizildi jáne 900-den astam basshydan turatyn basqarý korpýsy qalyptastyryldy. Akademııa quralymynda ǵylymı-ádistemelik súıemeldeý ortalyǵy jumys isteıdi, ol oqý-tárbıe protsesin ádisnamalyq jáne mazmundyq turǵydan súıemeldeýdi, tsıfrlandyrýdy úılestirýdi, kadrlyq irikteý men pedagogterdiń kásibı damýyn, sondaı-aq bilim sapasyn monıtorıngteý men taldaýdy júzege asyrady.
Aıta keteıik, joba operatory elimizdiń barlyq óńirlerinde aýqymdy oqytý semınarlaryn uıymdastyrdy. Oǵan 1600-ge jýyq pedagog qatysyp, «Keleshek mektepteriniń» basshylary men ustazdaryna ádistemelik kómek kórsetýdi bastady.
Eske salsaq mektepte bilim berýdiń ınfraqurylymy jasaqtaldy.
