Keleshek mektepteri: Aqtaýda 300 oryndyq bilim ordasy ashyldy
AQTAÝ. KAZINFORM — Búgin Aqtaý qalasynda Memleket basshysynyń tapsyrmasyna sáıkes júzege asyrylyp jatqan «Keleshek mektepteri» ulttyq jobasy aıasynda jańa zamanaýı mektep paıdalanýǵa berildi.
Ómirzaq aýylynyń «Raýan» turǵyn massıvinde boı kótergen № 26 jalpy bilim beretin mektep 300 oqýshyǵa arnalǵan. Bul — aýyldyq aımaqtarda bilim sapasyn arttyrýǵa baǵyttalǵan ulttyq jobanyń naqty nátıjesi.
— Aýyl — qazaqtyń besigi. Ózderińizge málim, qazaqtyń talaı myqty ǵalymy, aqyny, jazýshysy, basqa da san salanyń naǵyz myqtylary aýyldyq eldi mekenderden shyqty. Bul mektepte oqýshylardyń myqty bilim alýyna barlyq múmkindik memleket tarapynan jasalyp otyr. Jańa mektep qutty, bilim kúni oń bolǵaı, — dedi Aqtaý qalasy ákimi Ábilqaıyr Baıpaqov.
Jańa mektep zaman talaptaryna saı oqý kabınetterimen, sport jáne shyǵarmashylyq zaldarymen, sondaı-aq ınklıýzıvti bilim berýge arnalǵan arnaıy kabınettermen tolyq jabdyqtalǵan.
Buǵan deıin elordada alǵashqy qońyraý soǵylǵanyn jazǵanbyz.