Keleshek mektebinde alǵashqy mamandandyrylǵan dzıýdo sport zaly ashyldy
ASTANA. KAZINFORM — QR Oqý-aǵartý mınıstrligi, QR Týrızm jáne sport mınıstrligi, Halyqaralyq dzıýdo federatsııasy, Dzıýdo federatsııasy jáne Astanadaǵy «Jeńis» dzıýdo klýby arasynda ózara yntymaqtastyq týraly memorandýmǵa qol qoıyldy. Kelisim aıasynda Astana qalasyndaǵy № 45-shi Keleshek mektebinde oqýshylarǵa arnalǵan eń alǵashqy mamandandyrylǵan dzıýdo sport zaly ashyldy.
Memorandýmǵa qol qoıý sharasyna Oqý-aǵartý mınıstri Juldyz Súleımenova, Týrızm jáne sport mınıstri Erbol Myrzabosynov, Qazaqstan dzıýdo federatsııasynyń prezıdenti Qýanyshbek Esekeev qatysty. Sondaı-aq Halyqaralyq dzıýdo federatsııasynyń (IJF), «Jeńis» sport klýbynyń jetekshileri, dzıýdodan ulttyq qurama músheleri, olımpıada jáne álem chempıonattarynyń júldegerleri Ábıba Ábýjaqynova men Ǵusman Qyrǵyzbaev qatysty.
Oqý-aǵartý mınıstrligi málimetinshe, keleshek mektepterinde oqýshylar dzıýdo elementterin jas erekshelikterine sáıkes jáne erikti túrde úırenedi. Bul sport túrine kóńil bólinýiniń basty sebebi mektepte balalardyń kóbirek qozǵalýy mańyzdy.
- Memleket basshysy Qasym-Jomart Toqaev sportty nasıhattaý, ony ásirese balalar men jasóspirimder arasynda dáripteýdiń mańyzdylyǵyn udaıy aıtyp keledi. Sol sebepti biz orta bilim salasynda sporttyń mazmunyna erekshe mán beremiz. Onyń ishinde, komandalyq sport túrlerine kóńil bólinedi. Dzıýdony úıretý barysynda alǵashqy jyly balalardyń qaýipsizdik erejelerin meńgerýi mańyzdy. Bul sport fılosofııasy jastardy qarsylasty syılaýǵa, tózimdilikke, tabandylyq pen úılesimdi ómir súrýdi nasıhattaıdy. Bul bizdiń tárbıege jaqyn. Sport klıptik oılaý kezeńinde oqýshylardy ustamdylyqqa úıretedi, - dedi QR Oqý-aǵartý mınıstr Juldyz Súleımenova.
«Mektepterdegi dzıýdo» baǵdarlamasy búginde álemniń 40 elinde sátti júzege asyrylyp jatyr. Onyń maqsaty balalar men jasóspirimder arasynda dene shynyqtyrýdy nasıhattaý, jas sportshylardy qoldaý jáne oqýshylar arasynda zııandy ádetterdiń aldyn alý.
Búginde el aýmaǵyndaǵy 217 Keleshek mektebipte dzıýdony damytýǵa basymdyq berilip jatyr. Keıinnen keleshek mektepterindegi bul tájirıbe el aýmaǵyndaǵy taǵy 1000 mektepke taratylatyn bolady.
Aldaǵy ýaqytta elimizdiń barlyq óńirindegi jalpy bilim beretin mektepterde dzıýdodan mamandandyrylǵan zaldar ashý josparlanyp otyr. Halyqaralyq dzıýdo federatsııasy jańa zaldardy tatamımen, barlyq qajetti jabdyqtarmen qamtamasyz etýge, dene shynyqtyrý muǵalimderiniń biliktiligin arttyrýǵa, ádistemelik qoldaý kórsetýge ázir.
Іs-sharaǵa qatysqan týrızm jáne sport mınıstri Erbol Myrzabosynov «Qazirgi tańda elimizdiń túkpir-túkpirinde kóptegen sektsııalar men jattyǵý ortalyqtary tabysty jumys istep jatyr. Búgin Halyqaralyq dzıýdo federatsııasymen birlesip júzege asyrylyp otyrǵan «Mekteptegi dzıýdo» baǵdarlamasy aıasynda jańa mamandandyrylǵan zaldyń ashylýy – osy júıeli jumystyń naqty nátıjesi. Bul bastama balalardy erte jastan sportqa baýlýǵa, salamatty ómir saltyn ustanýǵa, sondaı-aq bolashaqta ulttyq qurama sapyn tolyqtyratyn talantty sportshylardy anyqtaýǵa múmkindik beredi», – dep atap ótti.
«Mekteptegi dzıýdo» baǵdarlamasyn Oqý-aǵartý mınıstrligine qarasty Ulttyq ǵylymı-praktıkalyq dene tárbıesi ortalyǵy men Halyqaralyq dzıýdo federatsııasymen birlesip júzege asyryp jatyr.
Qazaqstanda dzıýdo sporty turaqty damyp keledi. Eldos Smetovtiń Parıj Olımpıadasyndaǵy júldesinen keıin jastar arasynda sporttyń bul túrine qyzyǵýshylyq artty. Qazirgi tańda elimizde dzıýdomen shamamen 90 myń adam aınalysady, al sportshylardy daıarlaýmen 1300-ge jýyq jattyqtyrýshy aınalysady.
2026 jyldan bastap dzıýdo elementteri Keleshek mektepterinde engiziletinin jazǵan edik.