«Keleshek» baǵdarlamasy arqyly jınaqtalǵan qarjyǵa turǵyn úı satyp alýǵa bolady

Bilim grantyn utqan túlekterdiń «Keleshek» baǵdarlamasy boıynsha jınaqtalǵan qarjyǵa turǵyn úı satyp alý múmkindigi bar. Bul týraly Ǵylym jáne joǵary bilim mınıstri Saıasat Nurbek málim etti, dep habarlaıdy Kazinform.

«2024 jyldan bastap kez-kelgen ata-ana seriktes bankterdiń birine baryp, sol jerde balanyń oqýyna aqsha jınaıtyn arnaıy shot asha alady. Ata-ana ot ashqanda 1 AEK (3450 teńge) quıý qajet. Bul mınımaldy soma. Bizdiń mınıstrlik ata-analardy qoldaý maqsatynda bastapqy yntalandyrý kapıtalyn beredi», - dedi Saıasat Nurbek Úkimet úıinde ótken baspasóz máslıhatynda.

Onyń aıtýynsha, aldaǵy ýaqytta jınalǵan somany «Ulttyq qor – balalarǵa» jobasy shotynda jınaqtalatyn qarajatpen biriktirýge bolady.

«Eger bala bilim grantyn jeńse «Keleshek» baǵdarlamasy boıynsha jınaqtalǵan qarjyǵa turǵyn úı satyp alýǵa nemese otbasyndaǵy basqa balalarǵa bere alady. Biz balalarymyz sapaly bilim alýy úshin ata-analarǵa barynsha qoldaý kórsetemiz», - dep tolyqtyrdy mınıstr.