Keleshegi joq aýyldardy damytýdyń qajeti joq - Elbasy

ASTANA. QazAqparat - Memleket basshysy Nursultan Nazarbaev halyqqa arnalǵan Joldaýynda óńirlerdiń damýyn boljaıtyn shema ázirleýdi tapsyrdy, dep habarlaıdy QazAqparat tilshisi.

Jańa shema elimizdegi ýrbanızatsııanyń jańa basqarý kartasyna aınalady.

«Mektepter men balabaqshalardyń, aýrýhanalardyń qurylysyn eldi mekenniń damý josparymen sáıkestendirý qajet. Oǵan jeke ınvestorlardy tartýǵa jaǵdaı jasaý kerek. ıAǵnı, keleshegi joq aýyldardy damytýdyń qajeti joq. Sebebi, «Adamdarǵa arnalǵan ınfraqurylym» modeli eskirdi, qazir «Infraqurylymǵa adamdardyń kelýi» úlgisine ótýimiz kerek. Bul eldi mekenderdiń úlkeıýine, bólinetin qarajattyń tıimdiligin kóterýge múmkindik beredi. Osyǵan baılanysty, kishkentaı aýyldan respýblıkalyq mańyzy bar qalalarǵa deıin óńirlik standarttar júıesin ázirleý qajet», - dedi Memleket basshysy.

Sonymen birge, Prezıdent múmkindigi shekteýli jandarǵa kedergisiz orta  qalyptastyrýǵa erekshe kóńil bólýdi tapsyrdy. Olardyń mektep, aýrýhana syndy kez kelgen mekemege barýy úshin qolaıly jaǵdaı jasalýy kerek.

«2019 jyldyń 1 qyrkúıegine deıin aýmaqtyq damýdyń boljamdyq shemasyn ázirleýdi tapsyramyn. Bul elimizdegi ýrbanızatsııanyń jańa basqarý kartasy bolady. Munda qaı aýyldardy damytý qajettigin anyqtaý kerek. Eldi mekenderdiń joıylýynan 1300 mektep bos qaldy. ıAǵnı, qaıda nysan turǵyzyp, qaıda joldy júrgizý kerektigin bilý qajet. Jańa basqarý kartasy degenimiz osy», - dep túsindirdi Prezıdent.

Eske sala keteıik, «QazAqparat» halyqaralyq aqparat agenttigi Nursultan Nazarbaevtyń Qazaqstan halqyna Joldaýynyń mátindik translıatsııasyn taratty. Arnaıy silteme arqyly Joldaýdyń tolyq mátinin oqýǵa bolady.