Kelesi jyly JOO-larda bilim alý quny kóterile me
ASTANA. KAZINFORM — 2026 jyldyń 1 qańtarynan elimizde jańa Salyq kodeksi kúshine enedi. Osyǵan oraı joǵary oqý oryndarda aqyly bilim alý quny arta ma? Búgin Senatta BAQ ókilderiniń osy saýalyna Ǵylym jáne joǵary bilim vıtse-mınıstri Gúlzat Kóbenova jaýap berdi.
— Negizinde aqyly bólimde bilim alý qunyn belgileý joǵary oqý oryndarynyń quziretine kiredi. Degenmen, ádette ókiletti organ joǵary oqý oryndaryna aǵymdaǵy ekonomıkalyq ahýaldy eskerip baryp oqý qunyn belgileýge usynys beredi. Eger osy jyldy alar bolsaq, oqý quny ótken jylmen salystyrǵanda 5-7 paıyz shamasynda ǵana kóterildi, — dedi Gúlzat Kóbenova.
Onyń aıtýynsha, aqyly oqý aqysyna qatysty joǵary oqý oryndaryna beriletin usynystar ázirge Ǵylym mınıstrliginde talqylanbaǵan.
Buǵan deıin elimizdegi JOO-larda oqý aqysy qansha turatynyn jazǵan edik.