Kelesi jyly jańa bastamalar usynamyn – Qasym-Jomart Toqaev

ASTANA. KAZINFORM – Memleket basshysy Qasym-Jomart Toqaev aýyl sharýashylyǵy qyzmetkerleriniń birinshi forýmynda eldegi reformalar áli aıaqtalmaǵanyn eske saldy.

«Biz árbir ózgeristi muqııat oılastyra otyryp júzege asyrýymyz kerek. Bastamalardyń aqylǵa qonymdy jáne qazirgi ahýalǵa saı bolǵany mańyzdy. Burynǵy jospardyń bárin qazirgi kúnniń talabyna laıyqtap, túzetý qajet. Men buǵan deıin reformalar toqtap qalmaıtynyn naqty aıttym. Óıtkeni elimizdi jan-jaqty jańǵyrtý isi úzdiksiz jalǵasa berýge tıis», - dedi Prezıdent.

Memleket basshysy alda aýqymdy jumys turǵanyn aıtady.

«Soǵan saı jańa bastamalar men josparlardy júzege asyramyz. Qazir onyń bári muqııat zerdelenip jatyr. Kelesi jyly halyqqa usynatyn bolamyn. Keıbir bastamany ádettegideı Ulttyq quryltaıda jarııalaımyn. Onyń kezekti otyrysy Býrabaıda ótedi. Qalǵanyn Joldaýda aıtamyn», - dedi Qasym-Jomart Toqaev.