Kelesi jyly UBT-ǵa balama engiziledi

ASTANA. KAZINFORM – Ǵylym jáne joǵary bilim mınıstrligi kelesi jyly Ulttyq biryńǵaı testileýde engiziletin jańashyldyqty atady.

- Bıyl eshqandaı ózgeris bolmaıdy. Bári buǵan deıin jarııalanǵan keste boıynsha ótedi. Eki synaq testileý ótkizildi. Endi birinshi negizgi Ulttyq biryńǵaı testileý bastalady, - dedi mınıstr Aqordada BAQ ókilderiniń saýalyna oraı.

Onyń aıtýynsha, kelesi jyldan bastap balama retinde ilki rejımde jańa AIT (Admission Insight Test) testileýi qosylady. Ony ETS tehnologııasy salasynda álemdik kóshbasshy kompanııalardyń biri ázirleıdi.

- ETS delegatsııasy bizdińfılıaldarmen alǵashqy kezdesý ótkizý úshin keshe Astanaǵa keldi. Synama testileý kelesi jyly da saqtalady. Negizinen ony joıyp, tek bir ǵana UBT qalady degen alańdaýshylyq bolǵan edi. sol sebepti synama formaty da saqtalady, bul mańyzdy. Sebebi mundaı testileý álsiz jaǵyńdy anyqtaýǵa múmkindik beretin dıagnostıka quraly retinde ózin jaqsy qyrynan kórsetti. Osylaısha, kelesi jyly jańa test túrindegi balama paıda bolady. Demek, negizgi UBT-ny jylyna bir ret qana tapsyrýǵa bolady. Biraq synama testiden ótý múmkindigine qaldyramyz, - dedi Saıasat Nurbek.

Buǵan deıin Úkimet pedagogıkalyq joǵary oqý oryndaryna qabyldaý tártibin ózgertip, UBT júıesin jańǵyrtýdy jáne talapkerlerdi irikteýdiń jańa tásilderin engizýdi josparlap otyrǵanyn jazǵan edik.