Kelesi jyly Astanada Kıpr elshiligi ashylmaq
– Qazaqstan Respýblıkasy Premer-Mınıstriniń orynbasary – Syrtqy ister mınıstri Murat Nurtileý Kıpr Respýblıkasynyń Syrtqy ister mınıstri Konstantınos Kombospen kezdesý ótkizdi, dep habarlaıdy QR SІM baspasóz qyzmeti.
Kelissózder barysynda taraptar Qazaqstan-Kıpr qatynastarynyń birqatar mańyzdy máselelerin talqylady. Sondaı-aq halyqaralyq kún tártibindegi ózekti máseleler boıynsha jan-jaqty pikir almasty.
Atap aıtqanda, syrtqy saıası vedomstvolardyń basshylary Astana men Nıkosııa arasyndaǵy saıası dıalogty, saýda-ekonomıkalyq jáne ınvestıtsııalyq ózara is-qımyldy odan ári nyǵaıtýǵa múddeliligin rastady.
K. Kombostyń aıtýynsha, ekijaqty ózara is-qımyldy jandandyrý úshin óz eliniń úkimeti kelesi jyly Astanada Kıpr elshiligin ashýǵa nıetti.
Mınıstrler yntymaqtastyqtyń jańa perspektıvaly salalaryna toqtalyp, kólik, logıstıka jáne týrızm salalaryndaǵy ózara árekettesýdiń iske asyrylmaǵan áleýetin atap ótti. Olardyń qorytyndysy boıynsha, birinshi kezektegi qadam retinde eki el arasynda tikeleı áýe qatynasyn ornatý múmkindigin qarastyrýǵa ýaǵdalasty.
Kezdesý qorytyndysy boıynsha suhbattastar 2024 jylǵa josparlanǵan Kıpr SІM basshysynyń Qazaqstanǵa sapary barysynda Qazaqstan-Kıpr yntymaqtastyǵy máseleleri boıynsha dıalogty jalǵastyrýǵa daıyn ekenderin rastady.
