Kelesi jyly Almatyda 300 shaqyrym jol jóndeledi
ALMATY. KAZINFORM – Kelesi jyly Almatyda 35 shaqyrym jańa jol salynady. Bul týraly ortalyq kommýnıkatsııalar qyzmetiniń kóshpeli baspasóz máslıhatynda qala ákimi Erbolat Dosaev aıtty.
– Almaty qalasyn damytý baǵdarlamasynyń basym baǵyty sheńberinde qalanyń turaqty kólik ıfraqurylymy qalyptasyp jatyr. Bıyl 25 km jańa jol salyndy, Qulja tas joly 6 jolaqqa deıin keńeıtildi, 255 kóshede 250 km jolǵa ortasha jóndeý júrgizildi. Sondaı–aq, 2024 jyly Saın – Móńke bı kóshelerindegi jol aıyryǵy boıynsha kólik qozǵalysy ashyldy, – dedi qala ákimi.
Onyń aıtýynsha, kelesi jyly 35 shaqyrym jańa jol salynyp, 300 shaqyrym jolǵa ortasha jóndeý jumystary júrgiziledi.
– Sondaı–aq, kólik baılanysyn Seıfýllın-Jansúgirov jol aıyryǵyn, eki radıaldy (Saın, Rysqulov) jáne eki magıstraldy kósheni (Qajymuqan, Tóle bı) uzartý qamtamasyz etiledi. Bul jumystar sapaly joldardyń úlesin 2024 jylǵy 92% - dan 2025 jyly 95% - ǵa deıin ulǵaıtýǵa múmkindik beredi,– dedi Erbolat Dosaev.
Osyǵan deıin Almatyda 2025 jyly Abaı jáne Saın kóshelerin uzartý jumystary tolyq aıaqtalatyny týraly jazǵan edik.
Eske salaıyq, buǵan deıin Almatyda jańa úlgidegi kólik turaqtary paıda bolatynyn jazǵanbyz.