Kelesi jyly 5,4 mln gektar orman órtti erte anyqtaý júıesimen qamtylady
ASTANA. KAZINFORM - Kelesi jyly 5,4 mln gektar orman órtti erte anyqtaý júıesimen qamtylady. Bul týraly jyl qorytyndysyna oraı BAQ ókilderine arnalǵan brıfıngide Ekologııa jáne tabıǵı resýrstar mınıstri Erlan Nysanbaev aıtty.
- Biz orman otyrǵyzý jumystaryn keńeıtýmen birge, ormandardy órtten qorǵaý sharalaryn da kúsheıtip jatyrmyz. Bıyl órtke qarsy 355 tehnıka alyndy, 2026 jyldyń birinshi toqsanynda qosymsha 697 tehnıka jetkiziledi. Kelesi jyly 11 óńirdegi tabıǵatty qorǵaý mekemeleri tolyq tehnıkamen qamtylady, - dedi Erlan Nysanbaev.
Sondaı-aq, ol órtti erte anyqtaý júıesi 1,6 mıllıon gektar aýmaqta engizilip, jalpy qamtý aýmaǵy 2,2 mıllıon gektarǵa jetkizilgenin aıtty.
- Kelesi jyly júıe odan ári keńeıtiletin bolady. 2026 jyldyń sońyna deıin júıemen jalpy eldegi eń órt qaýpi joǵary ormandardyń 5,4 mıllıon gektary qamtylatyn bolady, - dedi mınıstr.
Aıta keteıik, elimizde qurǵaǵan aýmaqtarda qorǵanysh orman jolaqtaryn qurý baǵdarlamasy ázirlenedi.