Kelesi jyldan bastap sharýalarmen sý berý boıynsha kelisimsharttar elektrondy formatta rásimdeledi
ASTANA. KAZINFORM - 2026 jyldyń 1 qańtarynan bastap sýarmaly sý berý boıynsha «Qazsýshar» RMK men sý paıdalanýshylar arasyndaǵy kelisimsharttar tek onlaın formatta jasalady, dep habarlaıdy QR Sý resýrstary jáne ırrıgatsııa mınıstrliginiń baspasóz qyzmeti.
Baspasóz qyzmetiniń habarlaýynsha, bul shara sýdyń «kóleńkeli naryǵyna» tosqaýyl qoıý maqsatynda qolǵa alynyp otyr.
Qazirgi ýaqytta Sý resýrstary jáne ırrıgatsııa mınıstrligi ótinim qabyldaý, kelisimshart jasaý jáne tólem júrgizý úderisterin avtomattandyrýǵa arnalǵan arnaıy bıllıng júıesin ázirlep jatyr. Jańa júıe iske qosylǵannan keıin «Qazsýshar» RMK sý paıdalanýshylarmen elektrondy kelisimsharttar jasaıdy, al tólemder ekinshi deńgeıli bankterdiń mobıldi qosymshalary arqyly júzege asady.
Mınıstrlik bıyl qarasha aıynda bıllıng júıesin pılottyq rejımde iske qosýdy josparlap otyr.
«Kelesi jyldan bastap barlyq kelisimshart elektrondy formatta rásimdelýi kerek. Bul talap sharýa qojalyqtaryna, óndiristik kásiporyndar men basqa da sý paıdalanýshylarǵa birdeı qoldanylady. Tólem de tek qana elektrondy túrde júrgizilýi kerek. Bul bólingen sý resýrstarynyń ashyqtyǵy men naqty esebin qamtamasyz etý úshin qajet. Burynǵy kelisimsharttardy da júıege engizgen abzal. Kimniń qansha sý alǵanyn jáne qansha qarajat tólegenin biz naqty bilýimiz kerek. Ortada júrgen deldaldy alyp tastaýymyz qajet. Kelesi jyldan bastap barlyq kelisimshart elektrondy túrde júrgizilýi tıis. Tólemdi de elektrondy túrde qabyldaý qajet. Kanaldyń basynda júrip, sharýalardan aqsha jınaýdy toqtatý kerek», - dedi Sý resýrstary jáne ırrıgatsııa mınıstri Nurjan Nurjigitov.
Osyǵan deıin 2026 jyly Sý resýrstarynyń ulttyq aqparattyq júıesi iske qosylatyny týraly jazdyq.