Kelesi jyldan bastap Rýdnyıda jylý tarıfi arzandaıdy

ASTANA. KAZINFORM — Jergilikti jylý kompanııasy 2026 jyldyń 1 qańtarynan bastap 31 naýryzǵa deıin jylý energııasy tarıfteriniń tómendeıtini týraly habarlady, dep jazady Kazinform agenttiginiń tilshisi.

Rýdnyı jylý jelileri málimetterine sáıkes, jylý energııasyn eseptegish quraldarmen qamtylǵan turǵyndar úshin tarıf 4,3%-ǵa tómendeıdi, qalǵan tutynýshylar úshin — 1,0%, al eseptegish quraldary bar bıýdjettik uıymdary úshin — 14,9%-ǵa tómendeıdi.

Sonymen qatar, Kachar aýylynyń turǵyndary úshin tarıfter 2025 jylǵy deńgeıde saqtalady.

Tolyq aqparatty kásiporynnyń resmı saıtynan alýǵa bolady.

Esterińizge sala keteıik, Memleket basshysynyń tapsyrmasy boıynsha Úkimet makroekonomıkalyq turaqtylyqty qamtamasyz etý jáne ekonomıkalyq reformalardyń teris saldaryn barynsha azaıtý baǵytynda sharalar toptamasyn qabyldaǵan edi. Olardyń arasynda benzın, dızel otyny, kommýnaldyq qyzmetter jáne basqa da qyzmetter baǵasyn kóterýge moratorıı engizý sııaqty sheshimder bar.