Kelesi jyldan bastap lıýkter jańa standart boıynsha jóndeledi - Almaty ákimi
ALMATY. KAZINFORM - Almaty qalasynyń ákimi Erbolat Dosaev Bostandyq aýdanynyń turǵyndarymen kezdesti. Aýdanda atqarylǵan jumystar men jańa jobalar týraly baıandamadan keıin almatylyqtar qala basshysyna óz suraq-shaǵymdaryn aıtty.
Bostandyq aýdanynyń turǵyny qala kóshelerindegi sapasyz lıýkterge shaǵymdandy. Erbolat Dosaev joldaǵy lıýkter jańa standart boıynsha jóndeletinin aıtty.
«Joldaǵy lıýkterge qatysty barlyq másele júıeli túrde sheshiledi. Bıylǵa jospar bar, qarajat bólindi. Biz qazir lıýkterdi «qalqymaly» túrine aýystyryp jatyrmyz, bul jumys 2026 jyldyń sońyna deıin jalǵasady. Byltyrdan beri aǵymdaǵy jóndeý jumystary aýdan ákimdikterine berilgeni belgili, qazir jumys qarqyn aldy. Biraq sapasy boıynsha belgili bir shaǵym bar. Bıyl biz lıýkterdi jóndeý boıynsha jańa standartty bekitemiz jáne kelesi jyldyń kókteminde sol jańa standart boıynsha jumys isteımiz», - dedi qala basshysy.
Eske salaıyq, buǵan deıin Almaty ákiminiń kómekshisi ustalǵany týraly aqparat jalǵan ekenin jazǵanbyz.
