Kelesi jyldan bastap eńbekke qabilettilikten jáne asyraýshydan aıyrylǵanda beriletin áleýmettik tólem kóbeıedi
2024 jylǵy 1 qańtardan bastap Qazaqstanda eńbekke qabilettilikten aıyrylý jáne asyraýshysynan aıyrylý jaǵdaılary boıynsha áleýmettik tólem mólsheri artady, dep habarlaıdy Kazinform Úkimettiń baspasóz qyzmetine silteme jasap.
Tıisti qaýlyǵa QR Premer-Mınıstri Álıhan Smaıylov qol qoıdy.
Atap aıtqanda, qujatta 2024 jyldyń 1 qańtarynan bastap Memlekettik áleýmettik saqtandyrý qorynan eńbekke qabilettilikten jáne asyraýshysynan aıyrylý jaǵdaılary boıynsha taǵaıyndalǵan áleýmettik tólemderdi 7%-ǵa arttyrý kózdelgen. Atalǵan qarajat eńbekke qabilettilikti joǵaltqan 87 myńǵa jýyq adamdy jáne asyraýshysynan aıyrylǵan 59 myń otbasyn qamtıdy. Bul maqsattarǵa qosymsha 5 mlrd teńgeden astam qarajat jumsalady.
Esterińizge sala keteıik, Áleýmettik kodekske sáıkes QR Úkimeti eńbekke qabilettilikten jáne asyraýshysynan aırylý jaǵdaılary boıynsha tólemderdiń mólsherin jyl saıyn arttyryp otyrady.