Kelesi jarystarda altyn alýǵa tyrysamyn - Abıba Abýjaqynova

ASTANA. KAZINFORM – Qazaqstandyq dzıýdoshy Abıba Abýjaqynova Portýgalııada ótip jatqan álemdik Gran-prı týrnıriniń qola júldesine qol jetkizgennen keıingi áserimen oı bólisti.

«Biz úshin jańa maýsym bastaldy. Jyldyń alǵashqy jarysynda qola medalǵa qol jetkizdim. Endi úıge baryp, buıyrsa qatelikterimmen jumys jasap, kelisi jarystarda altyn áreket jasaımyz. Biraq, bizdiń árbir jarysymyz Olımpıadaǵa upaı beriletini sebepti, árbir medalim men úshin asa mańyzdy. Barsha qoldaý kórsetken jankúıerlerge, qazaq eline úlken alǵysymdy bildiremin. Barshalaryńyzǵa rahmet», - dedi jarystan keıin Abıba Abýjaqynova.

Esterińizge sala keteıik, keshe Abýjaqynova Portýgalııada ótip jatqan álemdik Gran-prı týrnırinde 48 kelige deıingi salmaq dárejesinde qola medal jeńip alǵan bolatyn.

Týrnır barysynda ol barlyǵy 5 kezdesý ótkizip, onyń tórteýin jeńispen aıaqtady. Іrikteý kezeńinde Ember Gershes (Nıderland) pen Laýra Espadınhany (Frantsııa) qapy qaldyrdy.

Shırek fınalda japonııalyq Kano Mııakıge ese jiberdi. Odan keıin jubanysh beldesýinde belgııalyq Loıs Petıtten basym túsip, kishi fınalǵa joldama aldy.

Aıta ketsek, Portýgalııanyń Odıvelash qalasynda bastalǵan Gran-prı dodasy - dzıýdodan 2024 jylǵy maýsymnyń alǵashqy resmı reıtıngtik jarysy. Oǵan álemniń 90 elinen 624 dzıýdoshy qatysyp jatyr.

Qazaqstannan atalǵan dodada áıelder arasynda Abýjaqynovadan bólek, 48, kelide Ǵalııa Tynbaeva, 57 keli salmaqta Baqyt Qussaqbaeva, 63 kelide Esmıgúl Kýıýlova, 78 keli salmaqta Arýna Jangeldına jáne +78 keli salmaqta Kamıla Berliqash el namysyn qorǵap jatyr.