Keles turǵyny úıin shaǵyn «emhanaǵa» aınaldyryp, dári-dármekti qymbatqa satyp kelgen
KELES. QazAqparat - Túrkistan oblysynda óz úıinen zańsyz em qabyldaý ornyn ashyp, qymbat baǵada dári-dármek satqan turǵyn ustaldy, dep habarlaıdy QazAqparat.
Keles aýdandyq polıtsııa bólimi jáne aýdan prokýratýrasynyń qyzmetkerleri birlesip, qymbat baǵada zańsyz dári-dármek satýdyń aldyn alý maqsatynda tekserý júrgizdi. Іs-shara barysynda Yntymaq aýylynyń turǵyny úıinen zańsyz em qabyldaý bólmesin ashqany anyqtaldy. Ol kelgen naýqastarǵa joǵary baǵada dári-dármek preparattaryn satyp, onymen qosa dárini egip bergen.
Tártip saqshylary anyqtalǵan zańsyz em qabyldaý ornynan aıǵaq retinde kóp mólsherde «Askorbın qyshqyly», «Pıratsetom», 5 ml shprıts 100-dana, «Novokoın darnıtsa», «Ambrobeno», «Sýprastın», «Betperde», «Maqta», «Natrıı hlorıdi», «Glıýkoza», «Analgın», «Tsıanokobalamın», «Kaltsıı glıýkanat», «Dematon», «Metrıd», «Dıklofenak Akos», «Lıdokaın», «Demoton B-Neo», «Deksametazan», «Amoksıtsılın», «Ampıtsılın», «Rıboktsın», «Essentsıalın», «Aloe ekstrant», «Sıstema», «Kaltsıı hlorıd», «Teraflıý», «Taılol hot», «Trental», «Aktovegın» dárilerin aldy.
Tergeý barysynda turǵyn dári-dármek preparattaryn qymbat baǵada satqanyn moıyndady.
Atalǵan jaıt tirkelip, zańdylyǵyn tekserý úshin taýarlar men kórsetiletin qyzmetterdiń sapasy men qaýipsizdigin baqylaý komıtetiniń Túrkistan oblysy boıynsha basqarmasyna joldandy.
