Kelesi Dúnıejúzilik kóshpendiler oıyndary Qyrǵyzstanda ótedi
ASTANA. KAZINFORM — VI Dúnıejúzilik kóshpendiler oıyndary 2026 jyly Qyrǵyzstanda ótedi. Bul týraly Qyrǵyz Respýblıkasynyń Mádenıet, aqparat, sport jáne jastar saıasaty mınıstri Altynbek Maqsutov málim etti.
Basqarma basshysy Astanada ótip jatqan V Dúnıejúzilik kóshpendiler oıyndarynda qyrǵyz sportshylary joǵary nátıje kórsetip jatqanyn atap ótti.
«Sizdermen jaqsy jańalyqty bóliskim keledi. Qyrǵyzstannan bastaý alǵan Dúnıejúzilik kóshpendiler oıyndary 2026 jyly týǵan jerinde ótedi», — dedi ol.
Eki jarys kúniniń qorytyndysy boıynsha Qazaqstan quramasy 14 altyn, 3 kúmis jáne 8 qola medal jeńip alyp, medaldar tiziminde kósh bastady.
Qyrǵyzstan 14 medal, onyń ishinde 3 altyn, 7 kúmis jáne 4 qola medalmen ekinshi orynda.
Buǵan deıin oıyndarǵa Qyrǵyzstannan 268 adamnan turatyn delegatsııa qatysatynyn habarlaǵan bolatynbyz.
Qyrǵyzstannan kelgen sportshylar sporttyń barlyq túrine, sonyń ishinde eki ulttyq oıyn — kókbóri men kókparǵa qatysady.
