Keles aýdanynyń turǵyny úıiniń janynan zańsyz dárihana ashqan
KELES. QazAqparat - Keles aýdanynda quramynda polıtsııa qyzmetkerleri, jastar ortalyǵy jáne múddeli organ ókilderi bar mobıldik top birlesip, dári-dármek pen medıtsınalyq quraldardy joǵary baǵamen zańsyz satý faktilerin anyqtaý boıynsha kezekti reıdtik is-sharalar ótkizdi, dep habarlaıdy QazAqparat Túrkistan oblysy Polıtsııa departamentiniń baspasóz qyzmetine silteme jasap.
Keles aýdany aýyldarynyń birinde polıtseıler dári-dármekterdi zańsyz satý faktisin anyqtady. Jergilikti turǵyn úıiniń janynan zańsyz dárihana ashyp, farmakologııalyq qyzmetpen aınalysýǵa tıisti lıtsenzııasy joq bola tura, dári-dármek satýmen aınalysqan. Jalpy alǵanda mobıldik top satýshydan 96 túrli dári-dármekti (nıstatın, mýpobel, tsılesterdem, gıdrokortızon jáne basqalar), barlyǵy 5 qorappen aldy. Bul jaıt Keles APB-de tirkeldi.
Jınaqtalǵan materıaldardy polıtseıler zańdy sheshim qabyldaý úshin QR Densaýlyq saqtaý mınıstrliginiń taýarlar men qyzmetterdiń sapasy men qaýipsizdigin baqylaý komıtetine jiberdi.
Túrkistan oblysynyń polıtseıleri karantın kezeńinde dári-dármekterdi joǵary baǵamen zańsyz satýdyń 50 faktisi anyqtap, 5 myńnan astam dári-dármek pen medıtsınalyq quraldardy tárkiledi.
