Keles aýdanynyń turǵyndaryna medıtsınalyq saqtandyrýdyń joldary túsindirildi

KELES. QazAqparat – Túrkistan oblysy, Keles aýdany turǵyndaryna Mindetti áleýmettik medıtsınalyq saqtandyrý júıesin endirýdi túsindirý boıynsha jıyn ótti. Májiliske áleýmettik medıtsına saqtandyrý qory Túrkistan oblysy boıynsha fılıalynyń basshysy Ashat Beısenbaev pen Túrkistan qalalyq emhanasynyń bas dárigeri Janar Ospanova, Keles aýdany ákiminiń orynbasary Almas Seksenbaev pen aýdandyq bilim berý uıymdarynyń basshylary jáne qyzmetkerleri qatysty, dep habarlaıdy QazAqparat tilshisi.

QR Prezıdenti Qasym-Jomart Toqaevtyń «Syndarly qoǵamdyq dıalog – Qazaqstannyń turaqtylyǵy men órkendeýiniń negizi» atty halyqqa Joldaýynda kórsetilgen jańa saqtandyrý júıesiniń erekshelikteri jıynda keńinen sóz boldy. Aqparattyq túsindirý jóninde «Áleýmettik medıtsınalyq saqtandyrý qory» kommertsııalyq emes aktsıonerlik qoǵamynyń Túrkistan oblysy boıynsha fılıalynyń basshysy Ashat Beısenbaev baıandama jasady. Jańa júıeniń artyqshylyqtary men tıimdi tustaryn Túrkistan qalalyq emhananyń bas dárigeri Janar Ospanova keńinen túsindirip ótti. Jıyn sońynda qatysýshylar tarapynan suraqtar men usynystar joldanyp, tıisti jaýaptar berildi. Sondaı-aq aqparattyq-nasıhattyq top aýdandyq halyqqa qyzmet kórsetý ortalyǵynda bolyp, jurtshylyqqa túsindirý jumystaryn júrgizdi