Keles aýdanynyń ár otbasy 10 túp kóshet otyrǵyzbaq
KELES. QazAqparat - Keles aýdanynyń turǵyndary kógaldandyrý jumystaryna atsalysýda. Kelestikter aýdan ortalyǵy Abaı aýylynda «Gúldene ber, týǵan el!» atty aktsııasyn bastady. Munda bir kúnde bir myńǵa jýyq kóshet egildi, dep habarlaıdy Túrkistan oblysy ákiminiń baspasóz qyzmeti.
Oǵan qosa, aýyl ákimdigi sanıtarlyq tazalyqty saqtaýda turaqty túrde senbilikter ótkizýde.
Ákimdiktiń josparyn aýyl bıleri de qoldady. Aqsaqaldar ár otbasy 1 sáýirge deıin 10 túp kóshet otyrǵyzýdy jetkizýde. Qarııalar tazalyqqa nemquraıly qaraıtyn aýlalardyń sýretin kópshilikke kórsetip, máseleni sheshý joldaryn qarastyrýǵa ýaǵdalasty.
Kógaldandyrý jumystaryna jumyldyrylǵan turǵyndar úı irgelerin tazalap, aǵashtar otyrǵyzý jumystaryn júrgizýde. Shara barysynda jergilikti halyq aýyl irgesindegi mazarattyń aınalasyna shyrsha aǵashyn otyrǵyzdy.
