Keles aýdanynyń ákimi aýyl turǵyndarymen kezdesti

KELES. QazAqparat – Túrkistan oblysy, Keles aýdanynyń ákimi jáne «Nur Otan» partııasy aýdandyq fılıalynyń tóraǵasy Aqmentaı Esbaev, tóraǵanyń birinshi orynbasary Ahmet Jumabekov pen máslıhat depýtaty, fraktsııa múshesi Marqabaı Esirkepov jáne tıisti bólim, mekeme basshylary Birlik aýylynyń turǵyndarymen kezdesti qatysty, dep habarlaıdy QazAqparat tilshisi.

Elbasy, partııa Tóraǵasy N.Á.Nazarbaevtyń saıası uıymdy qaıta jańǵyrtý baǵdarlamasyn iske asyrý aıasyndaǵy tapsyrmasyna sáıkes uıymdastyrylǵan jıyn barysynda «Alpamys» Bastaýysh partııa uıymynyń tóraǵasy O.Arystanbekov jurtshylyqty «Senim. Dıalog. Bolashaqqa nyq qadam» - «Nur Otan» partııasynyń 7 serpini» atty baǵdarlamasymen tanystyrdy. Kezdesý barysynda aýyl okrýgindegi aýyz sý problemasy men kóshelerge shaǵal tóseý, jaryqtandyrý máseleleri sóz boldy. Bastalǵan kóshe jóndeý qurylysyn aıaqsyz qaldyrmaý, kópir jóndeý, oqýshylardy tasymaldaýǵa kólik bólý, aınalma jol retinde berilgen Abaı-Birlik baǵytyndaǵy búlingen joldy jóndeý jaıy qamtyldy. Sondaı-aq elektr jaryǵy, aýdan ortalyǵynan tasymaldaý kóligin uıymdastyrý, mektep jóndeý, bastaýysh mektep salý máseleleri kóterildi. Fılıal tóraǵasy A.Esbaev aıtylǵan problemalardy sheshý boıynsha atqarylyp jatqan jumystardy atap ótip, birqatar máseleler boıynsha zerdeleý jáne usynystar berý jaıly tıisti bólim jáne mekeme basshylary men aýyldyq okrýg ákimine naqty tapsyrma berdi.