Keles aýdanynda termınaldan aqsha urlaǵan kúdiktiler ustaldy
KELES. QazAqparat – Túrkistan oblysy, Keles aýdanynda bazarlardyń birindegi tólem qabyldaý qurylǵysynan qomaqty aqsha, dep habarlaıdy QazAqparat tilshisi.
Oblystyq PD baspasóz qyzmetiniń málimetinshe, Keles APB-ne jeke kásipker bazardaǵy tólemderdi qabyldaý termınalynan belgisiz bireýler 20 myń teńgege jýyq aqshasyn urlap ketkenin aıtyp aryzdanǵan. Osydan keıin bilikti de tájirıbeli polıtseılerden arnaıy jedel-tergeý toby qurylyp, kúdiktilerdi izdestirý sharalary júrgizilgen.
Polıtseıler kýágerlerden surastyryp, sol mańdaǵy beınebaqylaý kameralaryn tekserip shyqqan. Sol baqylaý kameralarynyń kómegimen kúdiktilerdiń tulǵasy anyqtalyp, ustaldy. Olardyń ekeýi de jergilikti jumyssyz júrgen turǵyndar ekeni anyqtaldy.
Tergeý barysynda ustalǵandardyń aldyn ala sóz baılasý arqyly urlyq áreketterin túngi úshter shamasynda jasaǵany belgili boldy. ıAǵnı, bazarǵa kelip, plastık dúkeniniń esigin ashyp kirgen. Sóıtip tólem qabyldaý qurylǵysyn ózderi arnaıy aparǵan buraǵyshpen buzyp ashyp, ishindegi bar aqshasyn alyp ketken.
«Jaýap alý barysynda kúdiktiler óz kinálaryn moıyndaǵan. Qazirgi tańda olardyń bas sharasy «qolhatpen» bosatyldy. Atalǵan jaıt sotqa deıingi tergep-tekserýdiń biryńǵaı tizilimine engizilip, QR QK-niń 188-babymen tergeý amaldary júrgizilgen. Qylmystyq is sotqa joldandy» delingen habarlamada.
