Keles aýdanynda saýda ortalyǵy men júk kóligi janyp ketti
KELES. QazAqparat – Túrkistan oblysy Keles aýdanynyń ortalyǵy Abaı aýylynda saýda ortalyǵynan órt shyqty. Qyzyl jalyn ǵımarattyń ekinshi qabatyn sharpyp, japsarlas salynǵan qoımaǵa ótken, dep habarlaıdy QazAqparat tilshisi.
Oblystyq TJD baspasóz qyzmetiniń málimetinshe, órt tańǵy 06:05 shamasynda shyqqan. Jalynnan saýda ortalyǵynyń 250 sharshy metri otqa oranyp, janyndaǵy qoımada turǵan«Gazel» júk kóligi de janyp ketken.
Shaqyrtý boıynsha 30 tótenshe jaǵdaı qyzmetkeri men 7 órt sóndirý avtotehnıkasy, polıtsııa bólimi men jedel járdem qyzmetkerleri jetti.
«Tilsiz jaý saǵat 07:10 kezinde oqshaýlanyp, 08: 10 mınýtta tolyǵymen sóndirildi. Órt saldarynan zardap shekkender joq. Qazirgi tańda órttiń shyǵý sebebi men shyǵyny anyqtalýda» delingen habarlamada.
