Keles aýdanynda múmkindigi shekteýli jandarǵa qolarba berildi

KELES. QazAqparat – Túrkistan oblysy Keles aýdanynda «Qamqorlyq» jobasy keń kólemde júzege asýda. Aýdanda kómekke muqtaj 178 otbasy anyqtalyp, olarǵa jan-jaqty kómek kórsetilýde, dep habarlaıdy QazAqparat tilshisi.

Aýdan ákimi Aqmentaı Esbaevtyń tapsyrmasyna sáıkes, ár otbasyna jaýapty kýrator bekitilgen.

Atalǵan joba aıasynda múmkindigi shekteýli jandarǵa qoldaý sharalary júrgizilýde. Máselen, Aqtóbe aýyldyq okrýginiń turǵyny ІІ toptaǵy múmkindigi shekteýli azamat Nurǵalı Qalıbekovke «Nesibe-Nur» múgedekter qoǵamdyq birlestiginiń demeýshilik jasap, qolarba syıǵa berildi. Sonymen qatar, atalǵan birlestik tarapynan Abaı aýylynyń turǵyny kópbalaly otbasydan shyqqan, І toptaǵy múmkindigi shekteýli azamat Murat Tájibaevqa da qolarba tapsyryldy.

Aýdan ákiminiń orynbasary A.Seksenbaev pen aýdannyń jumyspen qamtý jáne áleýmettik baǵdarlamalar bóliminiń basshysy G.Quralbaeva atalǵan otbasylarǵa arnaıy baryp, qal-jaǵdaıymen tanysty. Osy otbasylarǵa demeýshiler tarapynan aldaǵy ýaqytta áleýmettik qoldaý sharalary kórsetiletinin jetkizdi.
Aıta keteıik, ótken jyly memlekettik qoldaý baǵdarlamalary aıasynda 61 múmkindigi shekteýli azamattar tarapynan qolarba alýǵa ótinish bilidirgen. Olardyń barlyǵy tolyq qolarbamen qamtamasyz etilip, múmkindigi shekteýli 440 azamat saýyqtyrý oryndaryna joldanǵan.