Keles aýdanynda quny 1 mlrd teńgeniń jobalary iske qosylady

TÚRKІSTAn. QazAqparat - Keles aýdanynda «Indýstrıaldy ınnovatsııalyq damý» memlekettik baǵdarlamasy sheńberinde, kásipkerlikti qoldaý kartasyna jalpy quny 1 mlrd. teńgeni quraıtyn 3 joba 2020-2021 jyldary iske qosylýy josparlanǵan. Aýqymdy eki joba iske asyryldy, dep habarlaıdy Túrkistan oblystyq ákimdiginiń baspasóz qyzmeti.

Sondaı-aq, bıyl temir beton buıymdaryn óndiretin zaýytty iske qosý josparlanǵan. Júzege asqan eki joba sheńberinde jalpy 100 adam jumys ornymen qamtyldy.

Búgingi tańda «Indýstrıaldy ınnovatsııalyq damý» memlekettik baǵdarlamasy sheńberinde Birtilek aýyldyq okrýgi aýmaǵynan jalpy quny 227,4 mln teńgeni quraıtyn temir beton buıymdaryn óndiretin zaýyttyń qurylysy júrgizilýde. Zaýyt iske qosylǵanda taǵy 30 adamdy turaqty jumyspen qamtý kózdelgen. Qazirgi tańda jer qoınaýyn paıdalanýǵa ruqsat qujattary alynyp, jer ýchaskesin tegisteý jáne jaryqtandyrý boıynsha jumystary aıaqtaldy. Qural jabdyqtary ornatylýda.

Keles óńirinde aýdan bıýdjetiniń tolyǵýyna qomaqty úles qosatyn shaǵyn kásipkerlikte qarqyndy damyp keledi. Byltyr jumys istep turǵan 8 myńnan astam shaǵyn kásipkerlik sýbektilerde 11 myńnan astam adam jumys istep, 21 mlrd. teńgeniń ónimi óndirildi. Jalpy 250 mln. teńgege jýyq bıýdjetke tıisti salyq túsimderi tústi. Kásipkerlik nysandardyń 97%-dan astamy turaqty jumys istep tur.